Rampur (eða brú) yfir þröskulda til að ryksuguvélmenni (robot) komist yfir án aðstoðar. 

Rampurinn er hannaður til að leggjast yfir ákveðna gerð þröskulda og að teygjast eins langt og ég get prentað, ásamt því að hafa hallann beggja vegna eins aflíðandi og hægt er. Með því að sníða neðri hliðina að rampinum á þann hátt sem myndir sýna, þá er komið í veg fyrir að ryksuguvélmennið geti ýtt honum burtu af þröskuldinum og þannig lent í vandræðum með að klífa yfir þröskuldinn. Ekkert mál er fyrir vélmennið þótt það sé aðeins bil á milli eininga, ef það verður ekki of langt. Fyrstu prófanir voru gerðar með tveimur lengri einingum en þá var bilið of mikið. Tvær stórar og ein lítil hentar ágætlega í hefðbundin hurðargöt.

Til að þekja eitt hurðargat, þarf að nota 2 stk af 290 mm breiðum rampi og 1 stk af 100 mm rampi, sem er uppsetning sem sýnd er á mynd.

Það eru að sjálfsögðu ekki allir þröskuldar eins og um að gera að senda inn fyrirspurn með mál af þínum þröskuldi, ef þú finnur ekkert sem passar. Þá er hægt að breyta teikningu og útbúa ramp sem hentar þér betur.

Athugið samt að heildarlengdin, 39,4 cm eða 19,7 cm hvoru megin þröskuldar, er það lengsta sem ég get framleitt. Það getur því þurft að gera prófanir fyrir aðrar tegundir þröskulda sem eru hærri, því brattinn upp á þröskuld má ekki vera of mikill þar sem ryksuguvélmennið kemst þá ekki yfir.

Sjá Efni og litir og Um 3D hluti.

Stærð:
- Lengd c.a. 384 mm, eða 197 mm hvoru megin við þröskuld
- Breidd c.a. 290 mm stærri eining og 100 mm minni eining (þarf 2 stórar og 1 litla fyrir hverja hurð)
- Hæð frá gólfi upp á efstu brún er 34,7 mm (3,47 cm)

Önnur mál:
- Efri hluti þröskuldar 33 mm og hæð frá gólfi upp í "þakið" fyrir hann 30,5 mm
- Neðri hluti þröskuldar 40 mm og hæð frá gólfi upp í "þakið" fyrir hann 20,4 mm
- Fjarlægð á "þaki" efri og neðri hluta þröskuldar 10,2 mm